Ali Farag@@@@طفلتي

Ali Farag

طفلتي *
ــــــــــــــــــــــــ
إنتِ ليه بتكبّريها !
لمّا قلت يا طفلتي ،
كان قصدي إنك دنيتي ،
إللي وهبت العمر ليها
واللي كانت سكتي
مرسومه بيها
واللي كانت خطوتي
تجري وراها
ونفسها تكسب رضاها
أو تطول حتى هواها
بس مكسوفه تناديها ،
كنتي أجمل طفله عندي
مش بنام
غير بعد ما اطمّن عليها
واحط بوسه مابين عينيها
يعني لمّا كبرتي حبه
تنسي دنيا كبرنا فيها !
أبدا ومهما تكبري راح تفضلي
طفلتي اللي بحنّ ليها
ومن رموشها بغير عليها
نظره واحده من عنيكي
أحس بيها ،،،
هتلاقيني ما بين ايديكي
دوبت فيكِ ودوبت فيها
ــــــــــــــــــــــــــ
علي فرج

إ

شاركها في جوجل+

عن Unknown