حسن السحماوي@@@متظلمنيش

حسن السحماوي

متظلمنيش ...!!!
كفاية على ظلمانى ..
سنين عمرى ..

سبينى أعيش ..
دنا رافض حدود نفسى ..
وأنا السارح فى أبعادك ..
وأنا المنسى ..!!!
وأنا اللى سكتى تاهت ..
وأحلامى .. حقيقة مافيش ..
فأرجوكى .. متظلمنيش ..!!!
أنا عايز أعيش عمرى ..
مع نفسى .
بصوت صاحى ... على قدى ..
مانش عايز أكون قيصر
فى مملكتى ..
ولا عايز أكون مملوك ..
وتأمرنى ..
ولا عايز أعيش عمرى
على التهميش ..
فأرجوكى .. متظلمنيش ..!!!
أنا من بره أوصافك ..
حصانى عنيد ..
ماهوش راجع ... ولا راغب
يعيش العمر ... متغرب ..
وزمن الغربه جوايا ..
سنين عمرى ... فأرجوكى
متظلمنيش ..!!!

شاركها في جوجل+

عن Unknown