الشاعر نادر الأسيوطي************أبدأ كلامي يا ليل

الشاعر نادر الأسيوطي

أبدأ كلامي يا ليل
بعتاب حبيب غدار
خنق الكلام بقسوته
وصمته له أسرار
قتل المشاعر بالأسي
وسلاحه كان بتار
روحي فردها سكته
داس وقفل الباب
وأنا سجين محبته
وضلوعي زي كتاب
صعب عليه قسوته
ورفضللي أي عتاب
نفسي أعرف السبب
يرد بأي جواب
لو حتي يبعد سنه
أو جاي.. بالترحاب
عمري ما حأسي دا أنا
قلبي ف حبه شاب
ذكري حبه معلمه
في قلبي باستمرار
بحاول انسي أنا
وأقول باينله هزار
يلومني قلبي وأنا
واقف زي صغار
مسك وداني ولوي
وقاللي تبقي حمار
إكويه بسهم الغيرة
والغيرة شعلة نار
تحرك قلبه الحجر
وسلاحها كان بتار
شفت القلب ياليل
عايز ياخد بالتار
رسم الخطة وحَبَك
رجع الحبيب للدار
قدم فروض المحبة
وقبلها الأعذار
وندم أشد الندم
علي فعله ..المكار
رق قلبي وقَبَل
والقلب اصله اختار
عشنا فسعاده وهنا
ودي نهاية المشوار
كلمات نادر الأسيوطي

شاركها في جوجل+

عن بوسى كات