عونى هشام @@@ زمن الغربه

عونى هشام

‏

..... زمن العروبة
========= بقلم عونى هشام
جسد العروبة مات
ازاى يعيده الزمن
حتى العزا ستات
وكله جاى بتمن

الوقت لما فات
سابوه لغاية العفن
والدفنه من سكات
ياعينى من غير كفن

الظلم من جوانا
هو احنا مش عارفين
حتى اللى كان فى هوانا
عامل ودان من طين

مصر بقت هافانا
وعُمان بقت فى الصين
سوريا مش سمعانا
وسودان بقت نصين

عروبه يااااااه مش فاكر
هو احنا موجودين
راح الايمان فى قلوبنا
وخسرنا دنيا ودين

امتى تعود يا صلاح
وتجيب لنا حطين
تاخد لنا باصلاح
وتعود لنا فلسطين

زمن العروبة راح
يمكن يعود فى سنين
الحزن عندى براح
والدمع مالى العين
الدمع مالى العين

إلغاء إعجابي

شاركها في جوجل+

عن Unknown