أوبيريت
مصر بلدنا
^^^^^^^
مصر بلدنا
غالية عالينا
أم الدنيا دي في عنينا
نبني قرية نبني مدينة
شروق الشمس أمل ف عنينا
و قمرها منور سما ليالينا
مع بعضينا سيري يا سفينة
مصر بلدنا
غالية علينا
مصر بلدنا عالية رايتها
عالي مقامها و حافظة قيمتها
هى عروبة و هو دا بيتها
هما إخوتنا دي قضيتها
مصر كبيرة تحب إخوتها
و ما بتنكرشي الحق ما فاتها
و التاريخ ما كانش ناسينا
مصر بلدنا
غالية عالينا
شوفوا النيل شوفوا أراضيها
جاي بخيره يجري عليها
يحب بلدنا و بيرويها
الأرض الخضرة نفرح بيها
شوفوا الخير ربنا مدينا
مصر بلدنا
غالية عالينا
أنا فلاح وسلاحي فاسي
مهما تعبت و كنت بأسي
هي بلدنا و هي دي ناسي
أنا زارعها م كنتش ناسي
شوفوا أرضي خيرها عالينا
مصر بلدنا
غالية عالينا
أنا العامل إنا الصانع
أبني مصنع و ارصف شارع
و ابني كنيسة و ابني الجامع
أبني المجد لفوق أنا طالع
هي بلدنا و غيرها ما لينا
مصر بلدنا
غالية عالينا
أنا مدرس ماسك قلمي
بحب بلادي و أعشق علمي
أبني في بلدي و اعلم ولدي
أزرع علمي و أزرع ادبي
و ندي بلدنا كتير تدينا
مصر بلدنا
غالية عالينا
أنا الطالب ماشي الجامعة
كتابي ف أيدي و شايل شمعة
بكرة صوتي الدنيا اهي سامعة
يسمعه حاقد تنزل دمعة
و نعلى لفوق مين هيوطينا
مصر بلدنا
غالية عالينا
أنا الجندي و كل ما عندي
دمي و روحي الكل انا هادي
مصر بلدنا عايشة في قلبي
عندي شجاعتي عمري ما أهدي
واجهت بدمي كل أعادينا
مصر بلدنا
غالية عالينا
أنا الشعب اتحدي الصعب
أبني بلدنا و أبني المجد
عايش عمري ما بكره حد
بعشق بلدي و أحب الأرض
عمرت الوادي و كمان صحارينا
مصر بلدنا
غالية عالينا
أم الدنيا دي ف عنينا
أرض و مصنع قرية مدينة
كل بلادنا و كل اسامينا
احفظها يا رب و تفضل لينا
مصر بلدنا
غالية عالينا
......................
أوبريت مصر بلدنا
كلمات: رمضان العلالقة
المشاركات
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم