‏الحسينى الشربينى الشربيني‏ ******حفل توفيع وشوشة ودع.

 ‏الحسينى الشربينى الشربيني‏ ‏

حفل توفيع وشوشة ودع.
:::::::::::::::::::::::::::::::::::::::::
قصيدة . الديوان.
---------------''''''-----
وشوشة ودع

ليه في زماننا بننخدع
مين الخسيس مين الجدع ؟!
مين اللى صان
مين اللى خان
مين فينا شهم ومين جبان ؟!
مين اللى حاسس بالوجع
قالولي وشوش ف الودع!!
***
يمكن ف يوم حزنك يروح
لو بوحت له بالسر بوح
ووصفت له كل الجروح
وابقى اسأله بحزن وشجن
مين اللى بيبيع الوطن ؟!
***
ليه الربيع أصبح خريف
ليه الحقايق تبقى زيف
ابن الحرام أصبح شريف
وابن البلد عاملينه ضيف
لما الصغار شالوا الكفن
كل الجمال أصبح عفن
***
ليه في زماننا بننخدع
مين الخسيس مين الجدع ؟!
مين اللى صان
مين اللى خان
مين فينا شهم ومين جبان ؟!
مين اللى حاسس بالوجع
قالولي وشوش ف الودع!!
***
وامسحه بدم الوليد
واسأله ع اللى اتهبد
واللى انفرم تحت الهدد
مين اللى ولع في البلد ؟!
فرق في صحبتنا وقسم
واللى ما وفاش بالقسم
واللى طعنى وابتسم
ومين اللى خلاني اتخنق ؟!
وخلي حلمي يتحرق
مين اللي غطاني بعرق
واللي نهب واللى سرق
واللي زهق واللي اتفلق
واللي عيشنا ف قلق
***
ليه في زماننا بننخدع
مين الخسيس مين الجدع ؟!
مين اللى صان
مين اللى خان
مين فينا شهم ومين جبان ؟!
مين اللى حاسس بالوجع
قالولي وشوش ف الودع!!
قول يا ودع

شاركها في جوجل+

عن بوسى كات