عونى هشام@@@@@@@@@@@ستات اخر زمن

عونى هشام

ستات اخر زمن
======== بقلم عونى هشام
بقينا فى زمن معووج
وراح زمان الست
عايش انا فى مونولوج
ومتزوج كمان ع النت

عايشة معايا عافيه
وواخدها نص ست
كل كلامها قافيه
ووقتها ع النت
اصحى وفوقيلى شوية
واهتمى كمان بالبت
كل طبيخك يا عينيا
جايباه كمان من النت
وياريتك تعملى بيه
وهاقولك حرم البيه
انا بطنى يا ناس وجعتنى
من عك طبيخ الست
عاملالى ابو عرام
من رغيك ما اعرف انام
لو سيبت البيت مش راجع
تندهى هاعمل مش سامع
كرهت حياتى زهقت
كفايانا كتير بفضايح
الجاى شفنا والرايح
ولا انتى مزاجك غلبى
ومعاكى نكد فى صفايح
-- ارجمينى
اه اه اه وايه
مش عارف بضحك ليه
انا عقلى خلاص اتجنن
يا ستى الله يحنن
يا جمالو يا جمالو يا جمالو
جننى من افعالو
بالذمة دى عيشة تطهق
مش راضى يغير حالو
لو قلت اطبخى ملوخية
تيجى ساقطة ليه يا وليه
وكمان من غير تقلية
ال ايه دى صعبة عليا
الدنيا شايله كتير
وعقول من غير تفكير
لو بس تشغلى عقلك
هتلاقى كله يسير
لو يوم وجانا ضيوف
فى هدومى اكون مكسوف
بيض مقلى وبيض مسلوق
اطلب اكل من السوق
اعمل انا ايه وياكى
من غلبى زهت معاكى
ارحمى اعملى معروف

 

شاركها في جوجل+

عن Unknown