الرحال محمد............من كام سنه

الرحال محمد

بقلمى الرحال محمد القناوى
من كام سنه
واناعايز أسكن جوة فقلبك
وأبقى وحدى فعنيكى فارس
وأبنى عشقى جواه مدينه
وأعلن نفسى عليها الحارس

وفوق شفايفك
هرسمك بسمه تهد هد
وجوه جفونك
هعمل ألف كمين بمتارس
ومفيش دمعة حزن تعدى
ولا توصلك أبدا خالص
عايز اسكن جوا فقلبك
وانسى هموم الزمن القارص
والقى نفسى بس انا وحدى
بعيونك فارس
ولما عينى تيجى فعنيكى
القى نفسى بس انا فيهاا
واكتب فيهم احلى قصايد
واعملها انا صفحه لشعرى
ولما الفرحه تبعد لحظه بشوق
نناديها
ويبقى اسمى واسمك واحد
وعمرى ماابطل حب انا فيكى
بس ياريت تحافظى عليا
وانا عمرى مهفرط فيكى
وهفضل احبك
ايوا احبك
ولا حاجه تفرقنا فثانيه
من كام سنه وانا عايز اسكن
جوه فقلبك
بقلمى = الرحال محمد القناوى
قنا -قوص -جراجوس
18-6-2014 —

إلغاء إعجابيإلغاء إعجابي · 

شاركها في جوجل+

عن Unknown