حسن السحماوي@@@فلاح فى قلب المدينة

حسن السحماوي

الحلقة الأولى ... المسحراتى .... شعر .. حسن السحماوى ..

.. ( حروف الكلام ) ..

فلاح فى قلب المدينة ..

خبط على الشبابيك ..

صحى الحروف اللى نامت ..

أنده بصوت الديك ..

خليك كما الديدبان ..

مدد بطولك سنينك ..

أصلك فى جوفك كلام ..

خبط كمان وكمان

أزعق وصحى الضماير

نبت زهورك حنان ..

يا اللى دخلت المداين

صوتك بيوصل يجينا ..

أعلى وعلى الأدان ..

فلاح ومن نبت ارضك ..

أروى ف زهورك حنان ..

ما حد يقدر ينافسك ..

طول مانت هامتك همام ..

صحى الحروف اللى تاهت ..

وأفتح لبكره ..... البيبان ..

أروى السنين العطاشه ..

ترجع زهورك .... تبان ..

فلاح ومن نبت جوفك ..

كانت حروف الكلام ..

إلغاء إعجابي

شاركها في جوجل+

عن Unknown