... حب من زمن آخر ============ بقلم عونى هشام

عونى هشام

... حب من زمن آخر
============ بقلم عونى هشام
الحب حلاوته جنان
بغرام وهيام وألام
مش كل اوقاته حنان
ولا شوق وكتير احلام

لو قلبك طب فى مرة
هتشوف المر الوان
يا حبيبى الحب جميل
لو يبعد ع التمثيل

هتلاقى حياتك حلوه
والغصن معاك بيميل
تتمشى فى يوم عصرية
مع مزة ف شط النيل

هاتقولك خدنى معاك
يا حياتى بدوب فى هواك
بس اكتب لى العربية
مع فيلا وهاستناك

وان رحت وغيبت عليا
فيه غيرك بص هناك
هتلاقى عينيه فى عينيا
مستنى ردى معاك

انا واحدة كمان حمقية
وامك قرشانه عفيه
تروح تسكن وحديها
لا فى يوم تستفرس بيا

انا فافى ويايى دادى
عايزة خدامة صينية
وعضوة فى اكبر نادى
وشوفير يسوق العربية

تقدر على كده يا عينيا
فيه غيرك بيدوب فيا
فكر وتعالى على راحتك
وما تنسى تجيب لى هدية

باااااااااااااااااااى
==============

إلغاء إعجابي

شاركها في جوجل+

عن الشاعر أشرف الهنداوى