حسن السحماوي@@@ياطير الشوق يامسافر

حسن السحماوي

شعر .. حسن السحماوى
.........................
ياطير الشوق يامسافر لمحبوبى ..
أمانه تعدى وتبلغ مراسيلى ..
دنا فى البعد .. بااتعذب ..
ونار الشوق .. بتكوينى ..
وليلى نهارى بتأااااالم ..
عذاب الحب .. يدمينى ..
أمانه ياطير .. تقوله أرجع ..
يعاود تانى ويجينى ..
مافيش فرقه تفرقنا ..
ولاغربه حاتطوينى ..
مدام الحب راسمالنا ..
حاتفضل صورته فى عينى ..
مراكب شوق ترسينى ..
واعدى لشط محبوبى
أمانه يا طير .. تقرب شوفه
من شوفى ..
ووضح لهُ ... مابين سطرين ..
بشوق اللهفه فى حروفى ..
ولو حابب يشوف صورتى ..
أمانه تدارى وتخبى ..
دموع عينى ..
وأنا حاستنى .. منتظره ..
تجيب الرد .. وتجينى ..
أمانه يا طير ..

شاركها في جوجل+

عن Unknown