حسن السحماوي@@@ البحر خايف ع البنات

حسن السحماوي

البحر خايف ع البنات ..
والموج خطر ..
والمَد أبعد م الحدود ..

الوقت كان ساعة غروب ..
لحظات سكون ..
البحر قالى سيبها ترجع شطها ..
وأنا أوعدك .... أخر النهار ..
أديك بدلها نجمتين ... ضى السما ..
أنا قلت لهُ ..أبعد يا بحر عننا ..
دأحنا سوا .. البحر قالى .. مستحيل ..!!
دا البنت فارده شعرها ..
حُب وأمان .. وبلاش تطفى شمعها ..
البحر قال .. بينا وصال .. على عهدها ..
طول عمرها .. صاينه ودادها ف حبها ..
بس اختلفنا .. فى وقت كان الموج عنيد ..
والشط أبعد م المحال ..
من يومها غابت عننا ..
والأنتظار طال المدد ..
وأنا قلبى عاشق حبها ..
البحر قالى بحبها .. بحبها ..!!

 

شاركها في جوجل+

عن Unknown