مجلة @ عزف على أوتار الحروف @

مجله أدبيه؛ثقافيه؛إجتماعيه ؛شامله.. .

/ / عونى هشام@@@@ ..... باب الزمن

عونى هشام@@@@ ..... باب الزمن

تعديل
عونى هشام

..... باب الزمن
========== بقلم عونى هشام
فتحت باب الزمن
تهت انا جواه
دفعت عمرى التمن
ولا شفت فرح معاه
ليه يا زمن تعاندنى
والحزن ليه ملازمنى
لو شفت فرحه فى يوم
الدمعه فيه ملياه
ظلمونى بعض الناس
من غير سبب واساس
ولما جيت اعاتبهم
جرحونى بالاحساس
ليه بس نكره بعضنا
والدنيا مش دايمه
تعالوا نروى حبنا
فى قلوب كتير نايمة
اصل الزمن كباس
داير معاه الكاس
مرة هاتعلى لفوق
وكتير معاه تنداس
اعمل لبكره حساب
يمكن ما ترجعشى
ليه تقفل الابواب
وتعمل ما تسمعشى
يا اللى غاويت المال
خد عبره ليك م الزمن
صعب يدوم الحال
ويلبسوك يوم كفن
كفنك كمان ما يدوم
والجثه صابها العفن
صوتك صبح مكتوم
ياريت دفعت التمن
مظلوم وحاسب حسبتى
وشكوتى لله
راضى بنصيبى وفسمتى
العدل يا مولاه
انت اللى منك حكمتى
وصبرنا بالله
مين غيرك حس دمعتى
وقلبى فيك نجواه
ولسه عندى امل
ارجع فى يوم واعود
واعرف ببان الزمن
واعزف بناى او عود
=============
 
شاركها في جوجل+

عن Unknown

0 التعليقات:

إرسال تعليق

دام الابداع والرقي فى التواجد نسعد دائماً بعطر تواجدكم

الاشتراك في: تعليقات الرسالة ( Atom )