محمود وحيد@@@ """وااااه م الحب""

محمود وحيد

"""وااااه م الحب"" كلمات / محمود وحيد
وأ ه م الحنين والشوق
وطول الليل وأناتــــــــه

ودمعة قلب محتارة
بتتدارى فى دقاتــــــــه
وعين ع الخد سهرانــــة
تناجى فى الهوى عشاق
تلوم العشق وقساوته
..وتشكى الهجر وأهاته
ومين فى الحب ما سهرشى
وتاه جواه
وحاول ينسى ما قدرشــــــى
وراح وياه
قلوب ياما برغم الجرح
هيمانة
بتتمنى تعيش العمر
بجراحهـا
ولا تدبل غصون الحب
جواهـــا
تعيش الحب لو ساعة
وتتغنى بحكاياتــــه
ولسًانا على درب الهوى
ماشييــــــن
بنطوح شمال
ويميـــــــــن
يغربنا ....يقربنـــا
يسافر بينا ويجيبنا
قلوبنا ف سكته رايحة
ما تسألشى واخدنا
لفيــــــــــن
على ذى الخطا
ما تروح
بتسبقها خطاوى
الروح
تداعب حلمها ف بكــرة
وتعلى ويا راياته
17/6/2014

إ

شاركها في جوجل+

عن Unknown