محمد توفيق......................إحلف يمين ---------------. مستنظرين

محمد توفيق

إحلف يمين
---------------.
مستنظرين

من بعد ما تحلف يمين
الأمن تانى يعود لنا
مستنظرين
من بعد ما تعبنا سنين
ترجع بلدنا لحضننا
عهد علينا كلنا
عهد ويشهد ربنا
طول ماأنت واقف جنبنا
حاسس بنبض قلبنا
هنأيدك طول عمرنا
ومستنظرين
------------.
إحلف يمين
وإحنا معاك مكملين
إحلف يمين
هتحاسب اللى يوم ظلم
وتجيب حقوق المظلومين
إحلف يمين
هتجيب حقوق اللاجئين
ويعود لنا القدس الحزين
ومياهنا ترجع تملا نيلنا
وتروى كل العطشانين
مستنظرين
-------------.
لا عاد دخيل يلمس ثرانا
وجيشنا حر على عدانا
واللى يفكر تانى يغدر
هيلاقى نفسه فى الجحيم
ودى طبيعة المسلمين
مستنظرين
-------------------.
شِبعنا ياما م الكلام
عايزنها نهضه للأمام
وأنت فارسنا الهمام
فى ايديك لوحدك الزمام
لو قٌلت حى نقول أمين
مستنظرين
-----------------.
حدودنا خط من الجحيم
ع اللى يعدينا أن شالله مين
أن كان يهودى أو ماجوسى
أو حتى إخوان مٌسلمين
هيلاقى طير من أبابيل
مستنظرين
-----------------.
عهد علينا وميت يمين
مدين إيدينا مِسلمين
ان مالوا نحو السلم ميلنا
وان غدرو ا يبقوا ندمانين
هنصٌب لعنتنا عليهم
ودى طبيعة المسلمين
مستنظرين
-------------.
أهلاً وسهلاً بالضيوف
من غير ضغينه وأى خوف
اقدم حضاره شفتها امة
شعب يحب الزائرين
وذى ما قال ربى فى كتابه
ادخلوها أمنين
واحنا رفعين الايادى
بالدفوف ومرحبين
ومستنظرين
------------.
شعر/ محمد توفيق

شاركها في جوجل+

عن Unknown