مجلة @ عزف على أوتار الحروف @

مجله أدبيه؛ثقافيه؛إجتماعيه ؛شامله.. .

/ / Mohammed Dawood,,,,,,,,,,,,,,,,,,,,,,,,,,,رفرف الصبح على وش البلد

Mohammed Dawood,,,,,,,,,,,,,,,,,,,,,,,,,,,رفرف الصبح على وش البلد

تعديل
Mohammed Dawood

رفرف الصبح على وش البلد
والعيون مليانة ليل
واقفة تمد الايد
فى طوابير العبيد
اللقمة غضبانة
والهدمة زعلانة
والكلمة مشلولة
ومنى خجلانة
من اللى باع العمر
ووقفنى فى طابور الهم
والحاجة
من بدرى
ومين يدرى
باللى باقى منى
شعبك يا بلدى
بالخيوط مربوط
والحق تاه بين الشطوط
وبقينا غُربة
فى الشوارع والبيوت
والحق تاه ما عاد له وجود
حتى الوطن
حطوا له متا ريس وسدود
والشهيد اللى اندفن
قال الكلام المفيد
ساعة طلوع الروح
نزف كلامه من الجروح
وابتسم
بسمة عريس
نفض ايديه من سلاسل ذلكم
شاركها في جوجل+

عن Unknown

0 التعليقات:

إرسال تعليق

دام الابداع والرقي فى التواجد نسعد دائماً بعطر تواجدكم

الاشتراك في: تعليقات الرسالة ( Atom )