المشاركات
- طب ليه بتعشمونا ...
بالحب وخليــــتــونا ...
نبنى قصور م الامانى ..
فوق شط من الحنين _
وِحْلِمْنَا بــــا لسعـــاده ...
تسكن ف قلوبنا عاده ...
ونعيش اجمل ليالى ..
فى دنيا العــــاشقين _
كان ليه بتعشمونـــــا ...
بالجنه وبتسيبونــــــــا ...
نطلع فوق ف العلالى ..
وبنرجع محـــــــــرومين _
مالكشِ ياقلبى نايب ...
ف الحب وف الحبايب ...
هتعيش عمرك تعانى ..
هتعيش عمرك حزين _
طب يلا وقولها توبه ...
وهتبقى دى آخر نوبه ...
واِن قلت اعملها تانى ..
راح نفضل متخاصمين _
واهى توته توته توته ...
واهى خلصت الحدوته ...
لحبيب ويـــــــــا حبيبه
فى دنيا المجروحيــــن _
واهى توته توته توته ..
واهى خلصت الحدوته ..
قصتها ماهيش غريبه ..
ودا طبع البنى آدمين _
.................................... ( مصطفى حجازى )
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم