المشاركات
( السجَّانه ) ( زجل ) الشاعر/ أحمد وهبى
.*********************************.
ليه الحبيب بعد الغياب جايب لى بدله مزَّهره
تقول دا قاضى للحساب وانيابه باينه مكشَّره
لاقال سلام ولادق باب ورفع لى إيده بأنعره
قاللى تعالى بغير عتاب وهاتلى إيدك من ورا
كلبشنى والحال فى استغراب وقلت غاوى المنظره
والله ماانا عارف اسباب ودماغى فيه متحيَّره
القصد ورانى العذاب وحاجات كثير متغيِّره
وفطاره معروف الكباب وفطارى حزمة كُسبره
لا والهموم بقت اكتئاب وأحس بيها مجرجره
مرت شهور نفسى فى جواب حابسنى ليه ياهلَّ ترى
طلبت اقابله واستجاب والعزم جانى بمقدره
زنقته فى المكتب وشاب والنيِّه أعمل مجزره
لقيت دموع مطر السحاب وروحى فيه متأثره
وقلت لهُ ليه العِقاب يااعمل جريمه مصوره
آم قاللى قلبى فيك وداب وفى بُعدهُ عِشت فى مقبره
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم