‏‎Ali Farag@@@ لمّا كنا بنتخنق كنا نقول

م ‏‎Ali Farag‎‏ 

،،،،،،،،،،،،،

مُفتتح :
،،،،،،،،،
لمّا كنا بنتخنق كنا نقول
الدنيا ليه متكهربه !!
دلوقتي لمّا الشمس تنوي على الإفول
نصرخ نقول
وديتوا فين الكهربا !!
نفسي في حد من أهل العقول
يوصفلنا إزاى ندوس عالكُبس
تطلع كهربا .................

طمووووووووووح
ـــــــــــــــــــــــــــ
هيفيد بإيه الطموح ،
من غير عمل وبروح ،
وبعقل واعي وفاهم ،
وبعين تشوف بوضوح !!!!!!

بنقول بكل اللغات
عايزين نزيد العمل
ويزيد معاه إنتاج
علشان يزيد الأمل
اللي يحقق طموحنا
قبل ان يصيبنا الملل
ونشوف نتيجة تعبنا
لو لسه باقي أجل
قبل اِن تروح الروووح ،،،

ياناس قولولي إزاي ؟؟
خلّصت أبريق شاي
علشان يروح الملل !
لكن يروح ازاي
والضلمة أم الكسل !
ولو انه مش مسموووح
بتزيد معاه العِلل ،
نص النهار بيروح
مصنع وفيه المكن
مسلوبه منه الروووح !!

بنقول ننمّي السياحة
طيّب يسيحوا ازاي !
ومفيش سُبل راحة !
هتنيّموهم في ضلمة !
هيقولوا دي بجاحة
ويفضحونا في بلادهم
بالزوق وبالراحة
وهيقلبوها مناحة ،
واللي هيجي يرووووح ............

بنقول كلام جبار
عن جذب الإستثمار
طيب هييجي ينام ؟
ويبقى ليله نهار !
ولا يعيش في ظلام
وبلاها لاستثمار !
ولا كمان ده يرووووووووح !

مصر حباها الله
بأغلى ما في الحياة
مَيّه وشمس وهوا
ما أكرمه في علاه
بس بصريح العبارة
محتاجة حبة شطارة
وبفكر واعي وإدارة
وبحب من غير إثارة
وعقول ولاد نوّرت
كل الأمم وبجدارة
من غير كلام تصاريح !

يا أيها الخبراء
تخطيط ، صناعة وسياحة
وتجارة و الكهرباء
لو فيه مكان مش مُضاء
بينموا فيه الوباء !
ويا مجلس الوزراء
من قبل أي قرار
أو خطة أو إجراء
لازم نشوف كهربا
لازم نشوف أضواء ........
هذا نداء
من مواطن عاشق ترابها
وليس حزبيا
وليس من النشطاء ،
لكن فداها الروووووح ....
ـــــــــــــــــــ
علي فرج ( عاشق ترابها )

إلغاء إعجابي

شاركها في جوجل+

عن Unknown