سعاد الزامك‏ @@@ ‏اشجان الحنين

سعاد الزامك‏ 

‏اشجان الحنين

***********
انا كنت امشي فوق الحنين 
ارسم له غُرة على الجبين
متبسمة و كان بياخدني الزمن

و يدور بفرحي فـ رحاية
تطحن شوق السنين
ارجع الملم جراحي
و انده صباحي
لجل مايداوي الانين
و اقول يا مين
ياخدني تاني
لاجمل اماني
و ازرع غناوي
في حضن دوبه السهر
فوق القمر
بنيت له بيت بدفتين
دفة بتداوي الهموم
و دفة تحسدها النجوم
يتهادى فوقه طيري الحزين
ينسى غنوة الانين
فاتت ايام السنين
ما رجع حبيبي من السفر
نسيت معاه طعم السمر
غيم رحيله على القمر
طفى ضياه
محى بهاه
و انا لسه يادوب
مـ الهم ادوب
و اجدل جدايل صبر
اتحدي قهر
يمكن تدوب اشجان السنين
بقلم
سعاد الزامك

شاركها في جوجل+

عن Unknown