محمود وحيد@@@"عتمة نهار"

محمود وحيد

""""عتمة نهار"" كلمات / محمود محمد وحيد

يا شمس مال ضيك؟

كترت سحاباتك

والبدر من همك

بيغنى أهاتك

والليل بقى سهران

وبعتمته فرحـــــــــان

يسمع أنين الخلق

ما يهمه دقاتــــــــك

ضى النهار إنطفى

بات السواد لونٍك

والحلم شوقه إختفى

تاه منه مكنونٍك

سجن البعيد ضحكته

غير طريق سكته

عوده خلاص انكسر

راح م التهار لُونٍك

يا شمس مين بدلك؟

مين غيًر أحوالك؟

من كام سنة بأندهك

وانتى على حالك

الدمعة فوق الخد

والهم عدى الحد

غايبة ما ليكى شروق

غدر البشر طالك

يا ويل غصون الشجر

كل اللى جاى خريف

طال الزمان او قصر

قلب ربيعنا ضعيف

مش حمل ريح الغدر

ولا باقى عنده صبر

كان حلم عدى وفات

ذى سحابة صيف

يا بكرة توبك بان

ورقك بقى مكشوف

إنسك فى حضن الجان

ولا عادش فيها كسوف

الفجره نوره اتسجن

وإحنا بقينا التمن

واللى ضميره إندفن

ظلمه بقى مألوف

لملم حروف اللوم

واتدارى من ليلك

واوعاك يا ضى تلوم

ولا تشتكى ويلك

قطع خيوط الشمس

وف ظلمتك إندس

واكتب على دقتك

التوهه ترتــــــــيلك

ودمتم

29/8/2014

إلغاء إعجابي

شاركها في جوجل+

عن Unknown