ابتسام رحمة********قابلتك يوم

ابتسام رحمة

قابلتك يوم
لو قابلتك يوم
دارى عيونك عنى
لا تنادى عليا
لا تحضن قلبي
لا تلمس ايديا
انسانى من النهاردة
خليني في قلبك ذكرى
عشان اقدر أكمل
حياتي في غيابك
نفارق بعض يوم
لو قربنا ثانية
أصل الحياة ما بينا
مجروحة في عيونا
هابعد عنك يوماتى
هانسى كمان ذكرياتي
لو ذكرى نسيت وعدت
على قلبى تفكره
هاحذفها من حياتي
قلبي هاسكره
علشان ما يفتكرش
حب في قلبي ما عش
إلا علشان يجرحني
غرامك كان ليلاتي
يجدد دمعاتي
كل ما تموت دمعة
يخلق واحدة غيرها
حالف يفضل ربيعها
على خدي ما يرحلش
حبك عقاب ليا
على ذنوبي في الدنيا
كل دمعة تمسح
ذكرى في قلبي ليك
كل جرح في حياتي
كان عايش يحلم بيك
كل دقة في قلبي
كانت ترقص على نغمات صوتك
ولا لمحت سكوتك
لكن قلبك قرر
يغفر كل ذنوبي
اتاري طعم البعد
شاي سكر زيادة
شربته وشربت تانى
بعد غرامك اللي كان
في حياتك قهوة سادة
لو قابلتك يوم
دارى عيونك عنى
لا تنادى عليا
ولا تحضن قلبي

شاركها في جوجل+

عن بوسى كات