عبد الوهاب الطريقي@@@@الودّ ودّي انقول قصايد،

عبد الوهاب الطريقي

الودّ ودّي انقول قصايد،
فيك بالمئات،
وكلّ يوم تقراه البنات،
في الحيّ وتغنّيه في الحفلات،
ولكن زايد

نقول كلام و إنت بعيدة،
من يقول إلي الكلام يوصلّك،
ويدلّّك،
على مواجع القلب
إلّي ما نفعت معاه الضّمايد،
الودّ ودّي ألقاك لحظة بين نومين،
يختال في الفضاء طيفك
ونشوف ابتسامة عريضة
مع لعجة الخدّين،
ونشمّ ريحة زهرك،
و وشمة زندك،
وانضمّك لحظة نترقب فيها سنين
وما تقولي كنت مريضة،
ولا تقولي منعوني الأهل
وإلاّ كثير المشاغل
و حتّى بعض النّاس،
وانت لاباس...
-------------------------
عبد الوهاب الطريقي: الجمهورية التونسية،صفاقس

إلغاء إعجابي

شاركها في جوجل+

عن Unknown