Mohammed Dawood@@@يابلدنا ليه تعودى

آخر الأخبار

Mohammed Dawood

يابلدنا ليه تعودى
للى ما صان يوم عهودى
للى كسر نغمة حرة
كات بتجرى فى دم عودى
ليه تذلى نفسى انتى
وانا عايزك يوم تسودى
ليه بتحنى الضهر
والضهر كان ساند صمودى
ليه دموعى تجرى وانتى
كنتى دايما ترفعى
راسى وعودى
وانا صاينك فى
كل مطرح
و جوا تفسى
وفى حدودك
وف حدودى
يا بلدنا افردى شراعك
وسيرى للكرامة
وبلاش تعودى
للى ساجنك
وللى ناهب خير وجودى
يا بلدنا يا عظيمة
لسه فيه جوا الوريد
حب يوم عن يوم يزيد
مدى كفك للغلابة
اللى نايمين ع الرصيف
للى باعوا العمر
وانتى
ما فى ايديكى
حتة ليهم من رغيف
يا بلدنا بصى ليهم
اهرام محبة فى عينيهم

علقوا اسمك تائم على الصدور
غسلوا عتبات دارك
بدماهم وما نالوا منك غير فتور

ا

=============== محمد عبد النقصود داود =

شاركها في جوجل+

عن Unknown