حسام محمود###بياع كلام

حسام محمود

بياع كلام
**-**-**
جاي بتبيع كلام
وفاكرنى هصدقك
وبتلعب بالغرام
وناره هتحرقك
**-**-**
لو انت يا واد معلم
في الحب ومدرسه
انا جامعه في الحنان
مش بنت مهيسه
وابقي اسأل عنى تانى
خد فكره كويسه
و قلبي موجه عالي
ارجع ليغرقك
**-**-**
يا ابو الكلام الحلو
اضحك علي غيري بيه
عمال بتبيع كلام
ولا عمري هشتريه
و قلبي مش فاضيلك
ساكن حبيبي فيه
روح اشغل واحده تانيه
وأكيد هتصدقك
**-**-**
وبدال ما تبيع كلام
وتتضحك عالبنات
ماتعيش قصة غرام
وتعوض اللي فات
جرب وحب واعشق
ويا رب يوفقك
**-**-**-**
غنائيه نسائيه/
بقلمى---حسام محمود
23--10--2014

إلغاء إعجابي

شاركها في جوجل+

عن Unknown