حسام محمود@@@عنيكى حته من الجنه

حسام محمود

عنيكى حته من الجنه
**-**-**-**-**
عنيكى حته من الجنه
بشوفها بفرح واتمنى
تكونى دايماً ويايا
**-**-**-**-**
في عنيكي بسرح بخيالي
ونفسي اوصف واتكلم
والكلمه تيجي علي بالي
انساها أول ما بسلم
أتاري رمشك قالهالي
في الحب لسه بتتعلم
ولسه تانى هتستنا
عنيكى حته من الجنه
**-**-**-**-**
يام العيون العسليه
غرقت انا في بحر هواكي
بحلم تكونى في يوم ليه
واعيش انا وقلبي معاكي
الحلم ممكن يتحقق
والا تاني هيستنا
عنيكى حته من الجنه
**-**-**-**-**-**
انا شفت ياما
عيون قبلك
وعيون كتيره
قبل ما اقابلك
بس انت عيونك
حاجه تانيه
من نظره
نسيتنى الدنيا
والرمش دوبنى
في ثانيه
خلانى دايماً
محتاج لك
وتانى مش قادر استنا
عنيكى حته من الجنه
**-**-**-**-**-**
غنائيه من كلماتى /
حسام محمود

شاركها في جوجل+

عن Unknown