مجلة @ عزف على أوتار الحروف @

مجله أدبيه؛ثقافيه؛إجتماعيه ؛شامله.. .

/ / / محمود بكر..........=هى=

محمود بكر..........=هى=

, تعديل
=هى=
بلاش عتاب وانسي اللي كان بينا
حبك عذاب ضيع ماكان بينا
ولا عاد مكان يجمع خلاص بينا
قلبي اللي كان وياك يتوه وينسي البشر
رافض يعود وياك بعد بااديك ماانكسر
وهايخسر ايه تاني ماكتير معاك خسر
من كتر جرحك فيه بقي زيو زي الحجر
____________________________
===هو===
اسف حبيبتي انا ياكل كل الناس
والنعمه دي وربنا فيكي داب الاحساس
سامحيني من قلبك وارضي يابنت الناس
غيرك مالوش قلبي بعدك حياتي خلاص
انشغلتي عني ونسيتي اني محتاجلك
شغلتني غيرك في عز ماكنت مشتاقلك
جوا بيت واحد سوا بس كان صعب ان اقابلك
وايه هاقولك وانت مش حاسه بمشاعري
وبين ايديكي نبض قلبي وكل عمري
مستهتره بالحب اهو كل شيئ انداس
غلطان وغلطانه ننسي حبيبتي خلاص
وتعالي نبداء تاني وحقك كمان ع الراس
_____________________________
===هي====
حبيبي مش هاقدر اكمل معاك تاني
وياريت كمان نقدر انساك وتنساني
واللي انكسر مش حرف ده أصل ومعاني
طبع الخيانه ده عرف هايهد في كياني
ارجوك كفايا كلام وبلاش تعلقني
تعبت من الاوهام دلوقت طلقني
وابعد بعيد عني انساني وفارقني
الدمع جوا العين ناره بتحرقني
مش هاقدر اتحمل ارجوك تصدقني
===هو====
يعني حبيبتي خلاص ماعدش شيئ فارق
===هي==
ايوه بجد خلاص لابد نتفارق
====هو======
ابكي علي فراقك دمع الفراق حارق
وداع يااغلا الناس انتي خلاص طالق
====كلمات الشاعرمحمود بكر=====
شاركها في جوجل+

عن بوسى كات