عوني هشام شاعر واعلامى@@@وطنى الاكبر

عوني هشام شاعر واعلامى

....وطنى الاكبر
=============== بقلم عونى هشام
وطنى حبيبى يا عينى عليه
كل الناس بتطوف حواليه
فيك انهارك ليك اخبارك
فيك الخير والرب حامية
----------------------------
وطنى كبير وتملى بيكبر
شرقة وغربة طوله وعرضة
ومهما تلف تشوف فيه اكتر
ناسة جميلة ولا تتكبر
-------------------------------
لو هتروح على ارض عُمان
تطلع منها على لبنان
تشوف الاقصى تقول اه يانى
ترجع تانى على السودان
------------------------------
هناك الزلمة بكرمة اصيل
تدخل مصر عروس النيل
فيها الشمس وفيها الخضرة
وفيها الاوبرا بفن جميل
--------------------------
تروح بحرين بزيارة يومين
تطلع منها تشوف العين
والامارات كلها مزارات
تدخل تخرج رايح فين
--------------------------
رايح اجرى عل الكويت
فيها الصحبة وفيها البيت
اشوف الدوحة فيها احبابى
وفيها حب قديم حبيبت
--------------------------
ارجع تانى عند يمانى
شهامة رجولة وكله امانى
فيها حضارة وفيها عمارة
وفيها الكل يقول دا مكانى
---------------------------
سورية جزائر او وهران
مغرب ليبيا او عَمان
دى اوطانى وعِز زمانى
وفيها قضينا على الطغيان
--------------------------
تروح موريتانيا او الصومال
فيها العم وفيها الخال
نفسى يعود الخير بايدهم
وتبقى بلادنا عال العال
--------------------------
وتزور تونس الخضرة انيقه
تسيبها وهيا شاغله البال
تشوف بغداد بحضارة عميقة
حالها اليوم أصبح غير الحال
-----------------------------
اخر الرحلة اشوفها منين
لازم ازور بلد الحرمين
تحج وتُعمر قلبك يِعمر
تطلع منها قرير العين
----------------------
انا حيران محتار على فين
ارجع بلدى واعيش مع ولدى
لقيته بيبكى بدمع العين
ناس سهرانه وناس قرفانه
وناس ع الخمرة بعزم متين
--------------------------------
وطنى حبيبى ونفسى اعيش
بدون بهدله من غير تفتيش
خير اوطانى بيطلع برة
وعيشتى المُره فيها تهويش
----------------------------
وطنى حبيبى العيشة بفيزا
ضاعت منى كل الميزا
ياجى غريب نضرب له سلام
والتاشيرة بفترة وجيزة
----------------------------
وانا تأشيرتى ختم معايا
س مع ج تحقيق ويايا
يمكن ادخل يمكن ارجع
يمكن اشوف النور فى قفايا
----------------------------
....... وطنى حبيبى
===============
\\\\ عونى هشام \\\\

شاركها في جوجل+

عن Unknown