المشاركات
عاشور الزعيم
***اخبار اهرام جمهوريه حزن***
____________________________________________
باين عليه الحزن
اخد علينا وعجبه الحال
قام قاعد ومدّد رجليه
فى الحته الطراوه فى اول البلد
وانت داخل على ايدك اليمين
عمّال كل شويه ياخد له تعسيلة
واول ما يسمع صراخ
يقوم مبحلق بعينيه ويفركهم جامد قوى
ويدور يلف على وشوش الناس
عشان ينقّى اللى هيسكن جواه
ويعشش على وشه..
طبعا مش مصدقنى
طيب قول لى انت بنصاحتك كدا
هايسبنا ويروح فين احنا بس
اللى عندنا كل حاجه
حب وحنيه وطيبه ولمه
وناس ماسكه فى بعضيها
مش هيلاقى الحاجات دى فى اى مكان..
الحزن دلوقتى عامل بيه
مشغل صبيانه الصغيرين
بقى بيتشكل فى اشكال كتير جدا
اما بيلبس الواحد فينا يبان علطول ع الوش
ثم انه مين قال لك انه بيحب اللون الاسود
انا بشوف ناس كتير حزينه
مش لابسه اسود...
شفت عمرك يا صاحبى حزين مبسوط
اناحزين ومبسوط..
والحزن صاحبى زيك تمام
بس انا ها تجنن وعايز اعرف
هو ازاى بيسكن كل حته
زى ما يكون عامل سوق كبير
والكل لازم يروح ويبقى مستنى
واقف على الوحده وعامل مليون راجل فى بعض..
انا مبسوط رغم انى حزين
لان الحزن مش بيخلينى افكر فى الشر
والموال بتاع كل يوم بيخلينى ابكى
مش من الحزن من كتر منا مبسوط
غصب عنى..
والضحكه المُره واقفه فى الحلق
مستنيه تطلع فى ميعاد ما فيهوش حزن..
يا ريت يا صاحبى لما تيجى تحزّنها
تبقى تقول لى عشان اشرب معاك
القهوه الساده على روح الفرح
اللى مات ولسه محدش عرف..
الناس حاسه انه فيه حاجه ماتت
وبيرحوا الجوامع فى الخمس اوقات
على امل فى وقت يصلوا عليه صلاة الجنازه
بس ما بيحصلش..
معقول فيه أمل نصحى يوم
على زغرودة وسفاره وبلونه
على ضحكة طفل بيفرهد من الضحك..
معقول هقابل اتنين ماشيين
بيحكوا فى حدوته والضحك بيسافر
من عيونهم للبشر
ممكن فى يوم اصحى على غنوة
( سوق على مهلك سوق)
واسمع بتاع اللبن بينادى والجرايد
اخبار اهرام جمهوريه
ياااااااااااااااااااااااااااااااه
يا خرب بيت الحزن والعتمه
يا خرب بيت سواد القلوب
يا خرب بيت ال..........................
____________________________________________
باين عليه الحزن
اخد علينا وعجبه الحال
قام قاعد ومدّد رجليه
فى الحته الطراوه فى اول البلد
وانت داخل على ايدك اليمين
عمّال كل شويه ياخد له تعسيلة
واول ما يسمع صراخ
يقوم مبحلق بعينيه ويفركهم جامد قوى
ويدور يلف على وشوش الناس
عشان ينقّى اللى هيسكن جواه
ويعشش على وشه..
طبعا مش مصدقنى
طيب قول لى انت بنصاحتك كدا
هايسبنا ويروح فين احنا بس
اللى عندنا كل حاجه
حب وحنيه وطيبه ولمه
وناس ماسكه فى بعضيها
مش هيلاقى الحاجات دى فى اى مكان..
الحزن دلوقتى عامل بيه
مشغل صبيانه الصغيرين
بقى بيتشكل فى اشكال كتير جدا
اما بيلبس الواحد فينا يبان علطول ع الوش
ثم انه مين قال لك انه بيحب اللون الاسود
انا بشوف ناس كتير حزينه
مش لابسه اسود...
شفت عمرك يا صاحبى حزين مبسوط
اناحزين ومبسوط..
والحزن صاحبى زيك تمام
بس انا ها تجنن وعايز اعرف
هو ازاى بيسكن كل حته
زى ما يكون عامل سوق كبير
والكل لازم يروح ويبقى مستنى
واقف على الوحده وعامل مليون راجل فى بعض..
انا مبسوط رغم انى حزين
لان الحزن مش بيخلينى افكر فى الشر
والموال بتاع كل يوم بيخلينى ابكى
مش من الحزن من كتر منا مبسوط
غصب عنى..
والضحكه المُره واقفه فى الحلق
مستنيه تطلع فى ميعاد ما فيهوش حزن..
يا ريت يا صاحبى لما تيجى تحزّنها
تبقى تقول لى عشان اشرب معاك
القهوه الساده على روح الفرح
اللى مات ولسه محدش عرف..
الناس حاسه انه فيه حاجه ماتت
وبيرحوا الجوامع فى الخمس اوقات
على امل فى وقت يصلوا عليه صلاة الجنازه
بس ما بيحصلش..
معقول فيه أمل نصحى يوم
على زغرودة وسفاره وبلونه
على ضحكة طفل بيفرهد من الضحك..
معقول هقابل اتنين ماشيين
بيحكوا فى حدوته والضحك بيسافر
من عيونهم للبشر
ممكن فى يوم اصحى على غنوة
( سوق على مهلك سوق)
واسمع بتاع اللبن بينادى والجرايد
اخبار اهرام جمهوريه
ياااااااااااااااااااااااااااااااه
يا خرب بيت الحزن والعتمه
يا خرب بيت سواد القلوب
يا خرب بيت ال..........................