الشاعر ابو عمار المصري@@@ما شفتوش ...مصر ؟؟؟

الشاعر ابو عمار المصري

‏

ما شفتوش ...مصر ؟؟؟؟؟

ما شفتوش مصر ؟
راحت فين ؟
يا مين يعرف ..يطمنى
باقوم م النجمة وانده لك
بدوّر ...أنت فين منى ؟
واشوف النجمة ..بتنوّر
وضلمة خطوة ..سابقانى
هتيجى منين ..؟ وفين رايحة ...؟
ومين اللى
ماسك جرحك ...بيهرس فيه ؟
وانا جرحى اللى كان منك
بتأسى عليه
مع إنى
من الننى
بعين شوقى
بحبك موت
لا عارف ليلى من فجرى
أروح ورا خطو أيامك
ألاقى الحزن قدامك
أطبطب ع الجروح من فوق
واشيل الدمعة من عينك
واقول . با حبيبتى انا منك
أنا ..إبنك
أنا ...ليكى
بلاش الدمعة تحرقنى
بلاش الآهة ...توجعنى
يا بنت الإيه
يا وحشانى
وانا فى الغربة
بانده لك
وانا فى عنيكى مشتاق لك
وناكرانى
ودمى بعته لعيونك
وعمرى يهون يا ضى الشوف
حرام فيكى وأبقى غريب
حرام فيكى
أموت م الخوف
بـقـلــــم ا لـــشـــــا عــــر
أ بــــو عــــمـــــــا ر ا لـــمـــصــــــــر ى

شاركها في جوجل+

عن Unknown