والديك بيدن
مبتداه
الله اكبر حى
على الصلاه
قاموا الولاد
فرحانين
الضى فى قلوبهم
براءة
والحلم فى عيونهم
حنين
..
اتوضوا لاجل ما يركعوا
ويصلوا للمولى
ركعتين
.
بعد الصلاه
لبسوا مرايل حلمهم
حطوا شنطهم فوق كتافهم
مبسوطين
.
والام بتقبل جباهٌم
فرحانة بيهم
والولاد بيميلوا بيقبلوا فيها
الإيدين
.
والأب رغم الشقا
بيمد ايده جوه جيبه
بيجًمع حبة قروش
متنطورين
يحضن عنيهم بابتسامة
ينسى احزان
السنين
.
يميل عليهم يقولهم
خلوا بالكوا من نفسكم
بلاش شقاوة
كونوا ولادى
الطيبين
فجأه يسمعوا
صوت المنادى
يالله بسرعة
متأخرين
..
على إيه متأحرين؟؟؟
ينزلوا من ع السلالم جرى
ويشاوروا بايديهم
والضحكة سابقة
بخطوتين
يركبوا باص الممات
إتنين ...إتنين
ويغنوا غنوة
حب
ما يعرفوش إيه انكتب
ولفين كدا
رايحين
.
ما يعرفوش إن النهاردة
مروحين
الموت محضًر
كل الكشوف
إسم إسم
ساعة ساعة
مين قبل مين
قاعد على السكة الحديد
بيحضر الأكفان
والقطر من بعيد
بيشاور يندهه
انت فين؟
.
ضحك الموت وقاله
يالله قرب
دا الولاد
جاهزين
ضم القطر الاتوبيس
والدم طا ل
الاتنين
هوووووووووس
سكت الكلام
والموت لم الورق
ومسح بعينه
دمعتين
.
ماتوا الولاد
ما فضلش منهم غير يادوب
حبتين
.
كام قلم
على كام كراسة
وشوية مصاحف
وارباع ياسين
المشاركات
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم