المشاركات
انا المصرى
انا المصرى لااعيش مصرى واموت مصرى
وح افضل مصرى فخورا جدا رغم اوجاعى
رغم احزانى والامى محد يلوى فى ذراعى
هيه الدموع تقتل قلوب للبلد عشقاها
ولا الظروف تربطنى خوف ومين حيبقى وياها
لا لا دنا المصرى اقوى من الظروف والخوف
اقوى من كل الاعرائات
واسالوا الزمن اللى فات
اللى عدى من سكات
اسالوه انا مين
انا النيل انا الهرم انا الطين
انا اللقمة بدموعها
وانا الضحكه باوجاعها
وانا رسمالى وسط عيالى
الصبر وعرق الجبين
انا المصرى انا ايوب
وح افضل راضى بالمكتوب
وابات غالب على اوجاعى
وانا المغلوب
ورغم شقايا واحزانى
حلفت بحبك
ما اسيب تارك واكون جنبك
دى مصر دى ميراث جدى
وجدى اصله حلوانى
ماكان اخوانى وناوى يبيع فيها
وهيه تراثنا وميراثنا وبالدم نفديها
واللى يكرهنا يشوف له وطن تانى
وطن ينباع
لان لسه انا المصرى واولادى
اسود وسباع
لا بصوابعكم تهزونى تخلونى
ابصم على بيع مصر
كدة بصباع
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم