‏‎Sayed Sadek‎‏ @@@سوق البشر مليان

قام ‏‎Sayed Sadek‎‏ 

‏‎Sayed Sadek‎‏ مع ‏صلاح عبدالله‏ و‏‏47‏ آخرين‏

سوق البشر مليان ..
اشكال علي الوان ..
كله بياكل كله ..
حتي ولو شبعان !!
عايشين عالم وربنا عالم
فيه الطيب فيه الظالم
ولو عاش بينا جدنا ادم
كان اتحسر ع اﻻنسان

ناس مﻻعين عايشين فاكرين
هيعيشوا فيها ليوم الدين
ناس الكبر نساها القبر
اللي يخون ناس حبوه
واللي بيقتل اخوه وابوه
علشان متر ويمكن شبر
دول بالذمه بني ادمين..؟!!!!
واللي مطنش وملوش فيها
ويقول عادي ومقضيها
ﻻ ويسهر طول لياليها
يغتاب 100 وﻻ متين ..!!!
دول بالذمه بني ادمين ؟!!!!

ناس فاسدين قاصدين الغش
يبقوا ب وش وبكره ب وش
وبيحلالهم كل حرام ..
واللي بيمشي عكس الكل
يسقي الناس وبايده الذل
لجل ما يفضل ماشي قدام
دول بالذمه بني ادمين ..؟!!!!
واللي عايش عامل قاضي
واللي يعيش ويموت ع الفاضي
واللي يقول بلادي بلادي
وهو خاين م الخاينين
دول بالذمه بني ادمين ...؟!!!!

سيد صادق

إلغاء إعجابي

شاركها في جوجل+

عن Unknown