عمرو المحيميدي@@@حِسي الأي

عمرو المحيميدي

حِسي الأي

عارف اني بحبك موت
مش هرضى سكوت

وبعشق ضيك
وبعشق ليليك

كيف انا قلبى
يرضى بديلك

ياللى عيونك
مالكها الضي
ومالكيش زي

حتى الحي
بيحكوا فى سيرتك

ولما بشوفك
بعشق حيرتك

اه والله

انا بعشق حيرتك

ياللى هواكِ
ليل خجلان

فى عز الفرحه
قلبي جبان

اصلوا فى حسنك
كان هيمان

وساعة شوفتك
ياما قال أي

مالك زي

ايوه انا عارفك
وش كسوف

وقلبى ياما
ملاه الخوف

وقولتي عليا
واد مجنون

وكل غرامك
كان مرهون

يوم ما عيونك
ترمي كلام

قلبي يا ويله
داب فى غرام

كل اشواقه
بتعشق ضي

وكل اهاتي
ملت الحي

ولسه معاكِ
عاشقه الأي

نفسي اشوفك
واخد بايدك

ترمي همومك
وابقى حبيبك

ايوا انا عارفك
وعاشق يومك

حتي احلامي
فى كل منامي
فيكي بشوفها
حسي الامي
هنا قدامي

لما بعشها

واه لو تيجي
تحسي وريدها

كل الفرحه
فيكِ بعشها

يوم ما انا ايدك
تلمس ايدي

حسي وريدي

بيبقى وخدني
العشق خيالك

بين اصحابي
بيسألوا مالك

انت يا عم
ما تقول مالك

ايه اللي شاغل
فى الهوى بالك

فكرك رايح
وماهواش جي
وانا جوايه
عايشه الأي

ويجي وقت النوم
فى ساعاتي

حيرة وشوق
طول اوقاتي

اعشق طيفك
بين مسافاتي

والقى عيونى
مالِكها الحزن

ياللي عشانك
جرحي يهون

حسي بجرحي
يا أحلى عيون

ايوا بحبك
حــــــب جنون

راسم حبك
وغاوي الفن

بس عشاني
حسي الأي
لان اهاتي
ملت الحي

عمرو المحيميدي

شاركها في جوجل+

عن Unknown