باعتذر..... اه باعتذر
لمخدتي اللي ياما
لملمت مني الدموع
ولغربتي وانا وسط انفاس
معدمةرافضة الطلوع
ولفكرة ملضومة بأمل
متعشمة ف حضن السنين
اعتذاري مش انصياع
لأ ده نوع م الارتجاع
يمكن يوم الشمس ترفض
ترمي نورها للضياع
تمحي غيمة فجر عايشة
تحت سقف المحرومين
هم مين؟
دول قلوب راكبة
علي جناح الزمان
تنشر عطاها بدوم تمن
عاشقة المكان
باعتذر لاني واحد منهم
تعبان انين
باعتذر لسحابة جاية
تروي قلوب صبها الجفا
باعتذر لسنين طويلة
فاكرة هيعود الصفا
كتر القسي شرخ المحبة
بدون ماندري لحتتين
هاعتذر يمكن في يوم
تصحا سنابل للامان
نزرع بذور الفجر بالأمل
نطوي اللي كان
نفطم قلوبنا من الانين
في الوقت ده مش هاعتذر
الشاعرة ميرفت حموده
المشاركات
