Mohammed Dawood@@@نبدا منيين

Mohammed Dawood

نبدأ منين
ومنين تقيم صوان العزا
من السويس
اسوان
م البوغاز
طوفان ألم غزا
بر مصر

والكل بيدارى عجز
فى دمع عين
بيغز فى القلب غز
شيماء وسندس زهرتين
كانوا بيفتحوا لغز
لوطن بيفز
من غفوته
لكن ستاكى العساكر
بتجز
على روحه حز
طارت عصافيرنا.... لجنتها

واحنا بنشرب مرار.. طلعتها
يا هلترى
الشموس اللى سرقوها سادتنا
وصابونا ببرد الشتا وطولوا.. غربتنا
كات لسه ابتساماتهم
بتفتح جنايننا
جاه الغراب

يبان لنا كيف ح ندفن
جثامينهم
قام يا شباب للصلا
نهر الدما جارف
نتوضى من طهرهم
ونقيم صلاه حاضر
الغياب لينا
وهما..............حلمهم
وكان حاضر
==============
هو النهار سأل علينا
وميل بضيه
يطبب جرح لينا
والا كان غرقان فى وادينا
بيبدر السواد
والظلم ما لينا
وبلدنا مش ع الترعة
ولا بترعى حوالينا
بلدنا هناك فى الضفة
اللى نهبت ...اما نينا
دبحنا ليل النهار
فا فردنا شراعات
حلم الصغار ومدينا ايدينا
نقطف الفرحة
اللى ماشية فى عيون الصبايا
ما لقينا
===========محمد عبد المقصود داود ==

شاركها في جوجل+

عن Unknown