المشاركات
======== بقلم عونى هشام
مشهد واتنين
وتلاته كمان
والكل شاهد
فى الميدان
شيوخ بنات
وكمان شبان
كان سيل جارف
مثل الطوفان
--------------
الكل ينادى
بصوت واحد
عايزين بلدنا
باعلى مكان
والكل يعيش
سعيد فرحان
ونقضى على الفقر
مفيش غلبان
-----------------
ماهى دى احلام
عشناها زمان
وزمانه يا ناس
نفسى نعيشه
نفسى العاطل
يسعى لعيشه
نفسى التعبان
يلاقى مكان
او ابره تريحه وتغيثه
---------------------
انا نفسى
ونفسى الثورة تعيش
من غير وسطه
ولا فيه بقشيش
ولا واحد شرطة
يقوم تلطيش
انا نفسى المصرى
زيه مفيش
------------------
ما انا عشت
مشاهد ومشاهد
كلنا شايفين
والعين شاهد
بننادى بثورة
وفيها تغيير
ليه ناس
بتشاكس وتعاند
------------------------
طب اصحى يا اخويا
معايا وفوق
خلينا بس
نفك الطوق
وشوية شوية بهداوه
هتلاقى بلدنا فوق الفوق
===============
\\\ عونى هشام \\\
عن Unknown