خالد الكردى @@@ شئ طبيعى

خالد الكردى

شيء طبيعي
الطبيعي انك تحب
والطبيعي انك تخادع
والطبيعي انك تقابل
ناس بتضحك ف الشوارع
والطبيعي ان انت تحلم
تبقي طاير ف السما
والطبيعي انك تلاقي
ناس بتحلم بالهنا
بس يبقي مش طبيعي
انك تعيش لابس قناع
وش تضحك بيه معايا
ومن ورايا يكون خداع
مش هاقول كان مش بايدي
والقدر حدفك علية
لما يوم فكرت احبك
وانت جيت وغدرت بيا
لاهاصارحك واعترف لك
ان انا فيك انخدعت
لما يوم صدقت قلبك
بس ياخساره انجرحت
دبلت الورده ف ربيعي
والعيون الصافيه خانت
والكلام مبقاش طبيعي
والقلوب علي بعض هانت
شيء طبيعي
كلمات
خالد الكردي

شاركها في جوجل+

عن Unknown