الشاعر ابو عمار المصري @@@@ا لـــــنــَّــــوَّ ة

الشاعر ابو عمار المصري

أمس في الساعة ‏01:44 صباحاً‏ · Al Qahirah

ا لـــــنــَّــــوَّ ة

(())(())(())(())

واقـِف على شطـِّك 
متسمـَّر قـُدّام النـوَّة
مستنـّى تجودى
يا بحر الطيبة بحبـِّة قـوَّة
أشرب من ملح خطاوى الغـُربة
وأرشّ بدمـّى تراب تـُربة
وازرع فدادين صبـَّار
ويمـِدّ خيالى لآخر الشـَّط
والشمس بتغرق
والريح بتغـَرّب وتشـَرّق
وانا واقف قدام النوة
باتمنى ف يوم لو تبلعنى
أجرى ف دمـِّك
وان شالله ياخـُدنى ف بطنه الحوت
يتاوينى الموت
راح اموت فيكى
لو تاه الفجر ف لياليكى
مش ناوى أسبـَّح غير ليكى
راح اعدى الأيام وارجع لك
واحكى لك عن وجـَع الغربة
واشرح لك أيامى الصـَّعبة
روحى تطلع منى
على سهوة
ما هى أصعب غربتى فى الدنيا
الغربة المرسومة فى عنيكى
غــُربتى فيكى
شـَط الملح الشارب منى
يشرب فيكى
نبـِّت على جسمى الطين
فرعين من شجرة ياقطين
فرع يمـِد هناك على بابك
فرع يهـِد تقاوى الروح
فرع تهزّه الريح تسـَّاقـِط
كل اوراقه
فرع أهـِـزُّه
و ينـَزِّل
كل صديد نـِزنازُه
يـِغرق شـَطـِّـك
تـِغرق روحى
وانا مستنـّى آخر نــوَّة
آخر دعـــوة
شايلة ف قلبها حبـِّـة تقوى
بس تكون من شيخ درويش
ماسك سِبحة
حـافظ فـَنّ أصول الـرقــوة
................
بـقـلـــم ا لــشــــا عـــــر
أ بــــو عــمـــــــــا ر ا لــمــصــــــــر ى

شاركها في جوجل+

عن Unknown