Mostafa Tisir@@@عراف عجوز قاعد بعيد

Mostafa Tisir

عراف عجوز قاعد بعيد ..
قاعد يأكل قطته ..
عمال بيحسب حسبته ..
شافني .. نده قرب هنا .. 
بص في عنيا حبتين ..
و دار و لف في ثانيتين ..
و حط إيده ع الوجع ..
ضرب الودع ..
علشان يشوف ..
و دا مين خطف قلب الجدع ؟
بص في عنيا و قال بخوف ..
إذاي وصلت لقلبها ؟
و إذا تسيب كل البنات ؟
و تغيب و ترحل من سكات ؟
و تيجي تسكن فكرها ؟
و إذاي تكون .. عاشق حنون ؟
دا الحب عارف سكتك ..
من إنهردا مفيش بشر هيسكتك ..
قول كلمتك ..
إصرخ و قولها بحبها ..
و إرمي بياضك من سكات ..
و مد رجلك خطوتين ..
تلقى حبيبه متيمه ..
بحب أبعد م السما ..
طبطب علي كتفي الضعيف ..
و سابني راح نام ع الرصيف ..
و فضل يتمتم بالكلام ..
و في لحظة نام ..
أنا قولت أمشي و السلام ..
لقيته قام من فرشته ...
بشوق بيحضن لهفته ..
طبق ورق مليان كلام ..
عزم عليه بتمتمه ..
و حط إيده ع الكتاب ..
و قالي خد مني الحجاب ..
دا حجاب يعافيك م العذاب ..
بصيت أنا فوق ع السحاب ..
و في لحظة مالقتش العجوز ..
غاب عن عنيا في لحظة داب ..
أتاريني بحلم بالسراب ..
بقلم مصطفي تيسير

شاركها في جوجل+

عن Unknown