محمود صبري الشريف ‏@@@ روحى معاك

• ب تعليقاً...

محمود صبري الشريف

‏

روحي معاك
*********

مش بانساك وروحي معاك
وفين ماتروح هاتلقاني

ومهما تغيب راح استناك
ماليش غيرك حبيب تاني

عشان قلبي عشق حبك
وحب الدنيا وارتاحلك
وباسمع دقته ف قلبك
بهمسة حب يفتحلك
ومهما تقول هايسمحلك
ياعشق كبير وخلاني

أكون وياك ومش بانساك
وفين ماتروح هاتلقاني
***************

حرام مبقتش باتحمل
تروح والنار بتكويني
وأقول للقلب ايه تعمل
ياساكن جوة تكويني

وانام والدمعي ف عيوني
والاقي الفرحة نسياني
وانا وياك وروحي معاك
وفين ماتروح هاتلقاني
************

تعالى ارجع وصالحني
وخلي الفرحة ترجع لي
كفاية الجرح جرحني
ودمع البعد يوجعني

هاقول غلطان وسامحني
وخلي الحزن ينساني
د انا وياك وروحي معاك
وفين ماتروح هاتلقاني

بقلمي / محمود الشريف

الشاعر محمود صبري الشريف / روحي معاك

كلمات وإلقاء/ محمود صبري الشريف

YOUTUBE.COM

شاركها في جوجل+

عن Unknown