المشاركات
المعاش :كلمات نادر الأسيوطي
البعض قال سن المعاش
ما عاش؟ ماعاش؟
لا والله عاش
ولسه باقي منتهاش
وذهنه حاضر مرتعاش
خياط وفصل
يا بلادنا كتير قماش
فصل عليكي
ولبسك وسط اندهاش
أحلي التياب السندسي
وهو بلاش
عريان يفصل أقمشه؟
لا والله عاش
محروم ورغم كل ده
راضي الخشاش
سكن ولادك القصورو الأبنيه
وسكن العشش
عاش اللي غرس
فينا القيم ومنحناش
عاش اللي جاب لينا السعادة
وسرها عنده مجاش
عاش اللي ربي
حبه حبه
لجل نبقي
في انتعاش
عاش اللي زرع
رغم الوجع
راجل جدع
زرعه مخابش
عاش للخلود
قدوه وودود
ولو يبقي دود
ذكره باقي
منتهاش
والبعض قال
سن الكمال
سن الجمال
لا والله عال
تسلم ياخال
استنه حبه
يا اغلي الأحبه
يافرحتي بقيل وقال
طب فين بقي حق العيال
مرتبي طار في المعاش
والله بلاش
إوعاك تفكر الحكاية حبة فلوس
أنت اللي شكلت النفوس
شكلت بيها لبلادنا شمس الشموس
شلت رسالة الأنبيا
وتقوللي غموس؟
طب تبادل الثواب
برصيدي والأفدنه
وكل ملاعب الإسكواش ؟
عموما .. حكلها حاف
وحرضي بردوبالكفاف
وإن جه جفاف
أو نمت حتي في الخلا
ومن غير لحاف
يبقي رضا
واسلم أمري للقضا
وتسلم بلادي م العدا
وما اعش حياه متهدده
أو حتي اخاف
أويصبني الإرتعاش
وتعيش بلادي في امان
زي زمان
والشعب ويّا الجيش
في حالة انسجام
وإيدي في ايدين
الجميع ادي التمام
لأجل ما ننهض للأمام
وما نرجع خطوة ورا
أو يصبنا الأنكماش
ورجائي م القادة
ومن البرلمان
نظرة رضا للي ربي
طبيب ويّا مهندسة
وقاضي ويّا مدرسه
وعلي الجميع أحلي مسا
من قلوب صبها العطاش
زودولنا حبه في المعاش
كلمات نادر الأسيوطي
