Mohamed Elalfy**********صدام حسين حيرتنى

Mohamed Elalfy

الى صدام حسين يوم اعدامه:
قصيدة :الحيره ..... شعر عاميه
**********
صدام حسين حيرتنى

من يوم ميلادك
والخالاف شغال عليك
البنت وياك
وامها مش طايقه صورتك
حتى فوق ورق الحيطان
بيتى انقسم نصين
تلاته معاك
وضدك زيهم
واحترت والله يا ناس
انا وامهم
....
بينى وبينك
وانت بين ايد الكريم
انا كنت دايما باكرهك
اكره عمايلك
الكتير كان مش عدل
.....
ونهرده حسيت انى زعلان
مش زعل مقهورعليك
لما الغريب يحكم ويرسم
وانت مغلول الايدين
ويلفق التهم الشنيعه
والوجيعه انك تموت
بحكم مشكوك فيه
ومتآمر عليك
دى مسرحيه مركبه ومعقده
مخرجها بوش ابن اللعين
وشوية الكومبارس دول
السجانين المرعوبين
الجعفرى والمالكى والعسكرى
والصدر ما تقليش عليه
ياما انفتح قلبك اليه
وبريمر المتعوس بيرقص
والصهاينه يطبلوا
والفرس عمال ينفخوا
فى نار طفت من الف عام
عاوزين شعاع يدلهم
على مجد عابر كان زمان
واحنا بنبحث هل ترى
صدام شهيد
يا ريت شهادتك او قصاصك
كان باهلك لما تهلك
كنت انام مرتاح يا ناس
لكن ايادى للموساد
وكمان
صباح للفرس عاد

شاركها في جوجل+

عن بوسى كات