حسن السحماوي@@@أنا كنت بحلم

حسن السحماوي

أنا كنت بحلم
عارفه ليه الحب
خايف مننا .. ؟!!
الضحكة فى وشوش بعضنا
صبحت نفاق .. !
والكدابين صبحوا كتار ..
وأحنا بقينا فى دنيا
غايبه عننا ..
مافهاش نهار ..
صدقنا بعض فى كدبنا .. !!
مرعوشه جوانا الحقيقة .. تذلنا .. !!
أااااااااااااااااااه ... يا أنا ..
أنا كنت بحلم
إنى أكون ..
معنى وحقيقة فيك ياكون .. !!
أحلم وحقق حلمنا ..
يطلع حقيقة .... تدلنا ..
وتقولنا الكون عمار ..
شط وأمان ..
وليل بقمره .... تونسه
ونجوم تصهلل فى السما
مستنظرة يجى الأمل ..
وشمس دافيه مروقه ..
ونهار بيفرح باللقا ..
وشط يحدف ضحكته
على رملته .. حب وحنان ..
أنا كنت بحلم
إنى اكون ..
ملقتش فى الحلم المصون
غير الخداع .. !!
وضمير مباع ..
اكمننا عشنا الظنون ..
وفكر تايه فى الجنون ..
لحظة ماضاعت مننا
حروف الكلام ..
وأنا كنت بحلم .. !!

إلغاء إعجابي

شاركها في جوجل+

عن Unknown