المشاركات
اتوب عن حبك
وارجع احبك ومهما اتوب
واصبر تانى لانك ناعسه
وانا ايوب
تعبتينى سنين وسنين
تعبتينى ما شفت حنين
غير جلادك و حراسك
زرعت الحلو لغيرك
وليه ماشفت انا خيرك
ودستى عليا بمداسك
وفى يوم ما جرحت احساسك
لو انتى فى الحرير بتنامى
لو شارب الصبر ايامى
لو نومتى التراب والطين
ولو راحتى فى دمع العين
تعبتينى سنين وسنين
دايما ماشى على عهدك
وواصل بالدموع ودك
زرعت الصبر فى قلبى
ورضيت بمرار غلبى
وياما كتير الوم نفسى
وليه ما اصرخ وفين حسى
وليه ارضى اكون مغلوب
ترد الغاليه على ظنونى
ما تلوم على وطن ضايع
ولوم عاللى با عونى
وجابوا المر فى حلقك
وجابوا الدمع فى عيونى
وخليك صابر وما تقولش انا مغلوب
ومدام رضيت اكون ناعسه
لازم ترضى تكون ايوب
وحياة ليلك وموالوا
مدام عملت الجمل ليكى
لا اشيل الصخر واحماله
واحاول اعدل من سنين غلبك
ولو مالوا
عشقت الليل فى ليا ليكى
عشقت النيل وموالوا
عشقت كل ما فيكى
عشقت كل غيطانك
عشقت كل حواريكى
لان انا طينك انا هرمك
انا نيلك
انا المصرى انا قدرك انا المكتوب
ومدام يا مصر بقيتى ناعسه
انا معاكى عالدوام ايوب
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم