المشاركات
بدون سلام
لا عتاب و لا ملام
مفيش كلام
عشان حرام
ضاعت آمالي
كل لحظه
معاك قضيتها
ساكنه ف خيالي
مهما تبعد عني
أو تهجر يا غالي
بحلم ب يوم
يهّل طيفك
يحيي الأمل
و تحلي الليالي
يا شمس حبي
إيه بس ذني
جاوب سؤالي
القلب حيران
بفكره سهران
و لا إنت داري
تعال جنبي
يتهني قلبي
و ليه تخبي
لو إنت شاري
بحبك و ربــي
إفرح ب قربي
مين بس غيرك
يشغلي بالي
م تحن مَره
دي الغيره مُره
إرأف ب حالي
و لاّ إنت ناسي
يا بو قلب قاسي
و سايق دلالك
علي مرسالي
صبرك يا خلي
مسيرك تقولي
و بكره عليك
تدور الليالي
كفايه عِندك
تتقل أودّك
تعبت حالي
شايف عمايلك
عمّـال أحايلك
ما ترق يا غالي
سهران أشاغلك
أعزف و أغزل
ب الصبر موّالي
أروح لأهلك
و أشكي منك
مُـر الليالي
ساكن ب قلبي
يانا يا غلبي
ايه بس ذنبي
يكون دا حالي
بقلمي انااااااااااا
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم