رمضان العلالقه.............عبرت الصحرى

رمضان العلالقه

عبرت الصحرى
..................
مهما كانت الصحرى
امشي فيها و اعبرها
اشد رحالي و اسافر
الف الدنيا و اخرها
و اخد من حبي زوادي
محبة في قلبي شايلها
الشمس تعلى ف الصحري
و تفرد عليها جدايلها
و مهما الشمس تحرقني
و تجيب م الحر أخرها
أعمل من حبي ضلايا
و أراجي فيها و حايلها
يا شمس رايح لمحبوبي
بقالي زمان بعيد عنها
شوفي حظي ومكتوبي
بقالي زمان ما طاليها
دي حبي و نار شوقي
ما فيه في القلب بديلها
و كسرت الصخر ف السكة
و حاجات كتير باعملها
و أنام في الطل و اتعذب
و علي الرمل ارسمها
و قول دي صورة لمحبوبي
ما فيش حاجة في جمالها
جميلة الاصل و الصورة
حبيبتي مين في مثيلها
و علي شط الهوى أنادي
حبيبتي فين أقابلها
و في بحر الهوى أسبح
و أعدي الموجة و أكسرها
و لما الموجة تكسرني
ولاقي نفسي قريب منها
أنادي و أقول يا محبوبة
و أمد ايدي ما طايلها
حبيبتي قبالي بجدف
و موجة تانية تغلبها
رسمنا احلامنا ع المية
و استنى يوم أقلبلها
عبرت البحر و الصحرى
و لفيت الدنيا و أخرها
و كان عذابي و مكتوبي
شوف الدنيا و عمايلها
...........................
بقلم/ رمضان سالم العلالقة

شاركها في جوجل+

عن بوسى كات