المشاركات
____________________________
لا.. يا حببتى
انا مش انانى
ولا زى منتى وصفانى
ف الجواب..
تتهمينى وتنكرى حبى
تبيعى ف لحظه
وتجرحى قلبى
تمشى وتنسى
حتى يا روحى
تقوليلى كلمه ولو بعتاب...
**
طب كنتى واربى
ما بينا الباب
كنتى سيــبى خيط رفيّع
امل حتى ولو كداب
لملمتى كل الاحلام بينا
مشيتى وسبتى قلبى ياروحى
دقاته قاتلها الغياب...
**
طب ينفع ادوء المر عشانك
واشرب كل كاسات احزانك
وببساطه وانتى مكانك
عشان حكايه من اوهامك
تهدّى كل اللى بتبنيه
خلّيتى نفسك خصم وقاضى
سرسبتى كل الحلو ما بينا
وقلتى الباقى دا كله سراب..
***
لا.. يا حببتى
انا مش انانى
ولا زى منتى وصفانى
ف الجواب ....
دبّلتى فرحى
صحيتى ..جرحى
خلّيتى طرح حلمى عذاب
صاحبتى حزنى
مرّرتى .. حلوى
قلتى عنى ماليش احباب
ضيعتى كل حنان عشتيه
وعشان ترضى غرورك قلتى
اسيبه وهو ف عز الفرحه
اسيبه يدوب ف ليالى جارحه
ويلف يدوّر ع الاسباب..
**
لا... يا حببتى
انا مش انانى
ولا زى منتى وصفانى
ف الجواب............
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم