المشاركات
أحمد ... مني
،،،،،،،،،،،،،،،،،،،
أحمد .... مني
قصة حب جراح و هنا
أحمد .... مني
فيلم بشوفه كل سنه
يا خسارة اسمي عوضين شابك واحده من سنتين
كل ما أحاول اقرب أبوسها تضرب بوزها يا دوب شبرين
يا حبيبتي مشتاق لشفايفك ما تجيبي بوسه يا نور العين
قام قالت بعد ما نتجوز هبقي أبوسك كل يومين
اعمل إيه دلوقتي أنا
أحمد .... مني
قصة حب جراح و هنا
أحمد .... مني
فيلم بشوفه كل سنه
يا خسارة اسمي عنايات واحده جميله من الستات
حبيت أخ جميل م الجامعة حاصل علي كل الشهادات
كل ما اقرب من أنفاسه يبعد و يقول ابتهالات
أنت بتبعد ليه يا حبيبي ؟ قال لى البسي حشمه يا عنايات
أصلي بخاف من ربنا
أحمد .... مني
قصة حب جراح و هنا
أحمد .... مني
فيلم بشوفه كل سنه
فات م العمر سنين و سنين قلب بيضحك قلب حزين
حب بيكمل حب يضيع ذكري تعيش في الروح و العين
عيشوا الحب بنور الطاعة تفضلوا بالحب ده عايشين
مهما يطول العمر اهو ساعة ليه نقضيها و احنا غايبين
أنت ما حبتش يا عوضين عنايات لبست حشمه لمين
فينك يا أحمد ..... فينها مني ... فينها مني
،،،،،،،،،،،،،،،،،،
من ديوان أنا الحكاي
للشاعر / عادل نافع
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم