شمس لا تغيب **آآآه من جاري اللي فوق**

شمس لا تغيب

**آآآه من جاري اللي فوق**
جدع رقه و كله زوق
طالع نازل كدا بهدوء
غرّق قلبي ف بحر الشوق
جمال أوصافه محدش شافه
خفه شهامه و عود ممشوق
قابلته أنا مره طالع فوق
كان علي إيده كيس برقوق
إداني واحده و قالي أدوق
أخدتها منه بس إكمنه
بنظــــره عينــــه
كل بنات الحتّه إتجنوا
أنا حبيته و قلت يا ريته
دقات قلبه عليـّا يحنوا
ساكن قلبي و إزاي أخبي
دنــــا من غلبـــي
خلاص بقي فاض بي
قلت أكتبله بقلبي جواب
أبعتهوله أوصفله الشوق
إمتي يا ربي بالي يروق
آآه من جاري اللي فوق
روحي رايحاله
عاشقه وصاله
نفسي في مرّه
أخطر علي باله
أعمل إيــــه
سايق في دلاله
كل العيون حوالينا بصّاله
بهر الكل بسحر جماله
آآآه من جاري اللي فوق
دقات قلبي بيه بيغنوا
آه يانــــي منــــه
قلبي و روحي و عقلي إتجنوا
حلم حياتي أسكن فوق
آه من جاري اللي فوق
أعمل أكله أبعتله يدوق
تسلم إيدك
و يقول شاطره و آخر زوق
هــــو دا رده أطلـــــب وده
يتقل و دلاله زاد عن حدّه
تعبت يا عالم م الملاغيّه
لا رق في مرّه و لا حن عليّه
إمته بنار الغيره يدوق
آآه من جاري اللي فوق
بقلمي أناااااااااااا

شاركها في جوجل+

عن الشاعر أشرف الهنداوى